മെൽബൺ സെന്റ് മേരിസ് ക്നാനായ കാത്തലിക് മിഷനിൽ, സെന്റ് പീറ്റേഴ്സ് ചർച് ക്ലയിറ്റനിലും സെന്റ് മാത്യൂസ് ചർച് ഫോക്നറിലും മതേർസ് ഡേ ആഘോഷിച്ചു. മെയ് പതിമൂന്ന് ഞായറാഴ്ച്ച വിശുദ്ധ കുർബ്ബാനയ്ക്ക് ശേഷം എല്ലാ അമ്മമാർക്കുവേണ്ടി പ്രാർത്ഥന നടത്തുകയും വൈദികരുടെ സാന്നിധ്യത്തിൽ കേക്ക് മുറിച്ചും സമ്മാനങ്ങൾ വിതരണം ചെയ്തും അമ്മമാരോടുള്ള ആദരവും സ്നേഹവും പ്രകടിപ്പിക്കുകയും ചെയ്തു. ഫാ. സ്റ്റീഫൻ കണ്ടാരപ്പള്ളി, ഫാ. തോമസ് കുമ്പുക്കൽ എന്നിവർ മുഖ്യ കാർമ്മികത്വം വഹിച്ചു.
മാതൃസ്നേഹം വിളിച്ചോതുന്ന സന്ദേശങ്ങളുമായി അണിനിരന്ന കെ.സി.വൈ.എൽ അംഗങ്ങൾ വിശുദ്ധ കുർബ്ബാനയ്ക്ക് നേതൃത്വം നൽകി.