ക്നാനായ പാരമ്പര്യവും തനിമയും വിശ്വാസവും കാത്തുപരിപാലിക്കുവാൻ ഓരോ ക്നാനായക്കാരനും അവകാശമുണ്ടന്നും അതിൻ മേലുള്ള കടന്നു കയറ്റം ഒരു ശക്തിയേയെയും അനുവദിക്കുകയില്ലെന്നും ക്നാനായ മിഷൻ മെൽബണിലെ അംഗത്വം എന്നും ക്നാനായക്കാർക്ക് മാത്രമായിരിക്കും എന്ന് ചാപ്ലിൻ ഫാ. തോമസ് കുമ്പുക്കലും പാരിഷ് കൗൺസിൽ അംഗങ്ങളും ഐകകണ്ഡേന പ്രഖ്യാപിച്ചു.

പതിനേഴ്‌ നൂറ്റാണ്ടുകളായി ക്നാനായ സമൂഹം കണ്ണിലെ കൃഷ്ണമണിപോലെ കാത്തുപരിപാലിച്ചു പോരുന്ന എല്ലാ പാരമ്പര്യവും തനിമയും സൂര്യചന്ദ്രന്മാർ ഉള്ളിടത്തോളം കാലം കാത്ത് പരിപാലിക്കുവാൻ മെൽബണിലെ ക്നാനായ സമൂഹം പ്രതിജ്ഞാബദ്ധരാണെന്നും അതിനുവേണ്ടി കോട്ടയം അതിരൂപതാ നേതൃത്വം കൈക്കൊള്ളുന്ന നിലപാടുകൾക്ക് എല്ലാവിധ പിന്തുണയും നൽകുന്നുവെന്നും  29/1/ 2018 ൽ ചേർന്ന പാരിഷ് കൗൺസിൽ  അറിയിച്ചു.

കാലാകാലങ്ങളിൽ സഭയുടെ വളർച്ചയ്ക്ക് നിർണ്ണായക സംഭാവനകൾ നൽകിക്കൊണ്ടിരിക്കുന്ന ക്നാനായ സമൂഹത്തിന് അർഹമായ പരിഗണന നൽകണമെന്നും സമൂഹത്തിന്റെ വളർച്ചയെ തടസ്സപ്പെടുത്തുന്ന തീരുമാനങ്ങൾ കൈക്കൊള്ളുവാൻ ഓറിയന്റൽ കോൺഗ്രിഗേഷൻ ശ്രെമിക്കുന്നതിൽ വളരെയധികം വേദനയും ഖേദവും രേഖപ്പെടുത്തുന്നതോടൊപ്പം ഇത്തരം നടപടികളെ എന്ത് വില കൊടുത്തും നേരിടും എന്നും മെൽബൺ ക്നാനായ കാത്തലിക് അസോസിയേഷൻ പ്രസിഡന്റ്   സജി ഇല്ലിപ്പറമ്പിൽ, മെൽബൺ ക്നാനായ വിമൻസ് അസോസിയേഷൻ പ്രസിഡന്റ് സോണിയ പത്തുപറയിൽ എന്നിവർ അറിയിച്ചു