ആർച് ബിഷപ്പ് മാർ കുരിയൻ വയലുങ്കലിന് മെൽബൺ എയർപോർട്ടിൽ സെന്റ് മേരിസ് ക്നാനായ കാത്തലിക് മിഷനിലെ ഭാരവാഹികൾ ഊഷ്മള സ്വീകരണം നൽകി.
ഒക്ടോബർ ഒന്ന് ഞായറാഴ്ച നടക്കപ്പെടുന്ന പരിശുദ്ധ ജപമാല രാഞ്ജിയുടെ തിരുന്നാളിൽ മുഖ്യകാർമ്മികനായ അദ്ദേഹം 2016 ൽ പാപുവ ന്യൂ ഗുനിയായുടെ അപ്പസ്തോലിക ന്യൂൺഷിയോ ആയതിന് ശേഷം നടത്തുന്ന ആദ്യ വിദേശ സന്ദർശനം കൂടിയാണിത്. അദ്ദേഹത്തിന്റെ സാന്നിധ്യം മെൽബണിലെ പരിശുദ്ധ അമ്മയുടെ തിരുന്നാൾ കൂടുതൽ അനുഗ്രഹദായകമാകാൻ തീർച്ചയായും സഹായിക്കും എന്ന് പ്രെസുദേന്തിമാർ അറിയിച്ചു.
ഒക്ടോബർ ഒന്ന് ഞായറാഴ്ച ഉച്ചക്ക് 2 മണിക്ക് സെന്റ് പീറ്റേഴ്സ് ചർച് ക്ലയിറ്റനിൽ വെച്ച് തുടങ്ങുന്ന തിരുന്നാൾ കർമ്മങ്ങളിലേക്ക് മെൽബണിലെ എല്ലാ വിശ്വാസികളെയും ഒരിക്കൽ കൂടി സ്വാഗതം ചെയ്യുന്നു എന്ന് തിരുന്നാൾ കമ്മറ്റി അറിയിച്ചു.