സെന്റ് മേരിസ് ക്നാനായ കാത്തലിക് മിഷൻ മെൽബണിൽ സെപ്റ്റംബർ ഒന്ന് മുതൽ എട്ട് വരെ പരിശുദ്ധ കന്യകാമറിയത്തിന്റെ പിറവിതിരുന്നാളിനോടനുബന്ധിച്ചുള്ള എട്ട് നൊയമ്പാചരിച്ചു. സെന്റ് പീറ്റേഴ്സ് ചർച് ക്ലയിറ്റനിൽ വൈകിട്ട് 7 മുതൽ ജപമാല, ലദിഞ്, വിശുദ്ധ കുർബ്ബാന, മാതാവിന്റെ നൊവേന, പരിശുദ്ധ കുർബ്ബാനയുടെ ആശിർവാദം എന്നിവയോടു കൂടി ഭക്തിനിർഭരമായി എട്ടു സായാഹ്നവും മാതാവിനോടൊപ്പം ചിലവഴിക്കാൻ മെൽബണിലെ വിശ്വാസികൾക്ക് സാധിച്ചു. തിരുക്കർമ്മങ്ങൾക്ക് ശേഷം പാച്ചോർ നേർച്ചയും ഉണ്ടായിരുന്നു.
മെൽബണിലെ വൈദികരായ ഫാ. മനോജ് വി. സി, ഫാ. തോമസ് കുമ്പുക്കൽ, ഫാ. സ്റ്റീഫൻ കണ്ടാരപ്പള്ളി, ഫാ. അബ്രഹാം കുന്നത്തോലി, ഫാ. ജോസി കിഴക്കേത്തലക്കൽ, ഫാ. മാർട്ടിൻ, ഫാ. രാജു ജേക്കബ് എന്നിവർ തിരുക്കർമ്മങ്ങൾക്ക് നേതൃത്വം നൽകി. മാതാവിന്റെ പിറവിത്തിരുന്നാൾ ദിനമായ വെള്ളിയാഴ്ച സിറോ മലബാർ രൂപത വികാർ ജനറൽ ഫാ. ഫ്രാൻസിസ് കോലഞ്ചേരി തിരുന്നാൾ കുർബ്ബാന അർപ്പിക്കുകയും തിരുന്നാൾ സന്ദേശം നൽകുകയും ചെയ്തു.
കുരിയൻ & ജിബി ചമ്പാനിയിൽ, സോളമൻ & എലിസബത്ത് പാലക്കാട്ട്, അലക്സാണ്ടർ തോമസ് നെടുംതുരുത്തിയിൽ, ജോയ്സ് & സിനി തടിപ്പുഴയിൽ, ഷിനു & ബെറ്റ്സി മുളയാനിക്കൽ, ലിറ്റോ & സ്റ്റെല്ല തോട്ടനാനിയിൽ, സിജോ & ജിഷ ഒലിപ്രക്കാട്ട്, സിജോ & ജെറ്റിമോൾ മൈക്കുഴിയിൽ, ബൈജു & ഷീന ഓണശ്ശേരിൽ, ജിജോ & അംബുജ മാറികവീട്ടിൽ, സിജു & ലിനി വടക്കേക്കര, സനീഷ് & സുനിത പാലക്കാട്ട്, ജോസ്മോൻ & ലിസ്സി കുന്നംപടവിൽ എന്നിവർ പ്രെസുദേന്തിമാരായിരുന്നു.