മെൽബൺ സെൻറ് മേരിസ് ക്നാനായ കാത്തലിക് മിഷ്യന്റെ പൊന്നോണം 2017 ഒരുപാട് നല്ല ഓർമ്മകൾ പുതുക്കി അവസ്മരണീയമായി സമാപിച്ചു. സെപ്റ്റംബർ 2 ശനിയാഴ്ച സെന്റ് പീറ്റേഴ്സ് ചർച് ക്ലയിറ്റനിൽ രാവിലെ 9.30 ന് യുവജനങ്ങളുടെ നേതൃത്വത്തിൽ പൂക്കളമിട്ട് പരിപാടികൾ ആരംഭിച്ചു. പിന്നീട് വിവിധതരം ഓണക്കളികളും വിഭവ സമൃദ്ധമായ ഓണസദ്യയും കലാവിരുന്നും വടംവലിയും ഒക്കെയായി തങ്ങളുടെ കുട്ടിക്കാല ഓർമ്മകൾ അയവിറക്കുവാനും തങ്ങളുടെ നല്ല ഓർമ്മകൾ തങ്ങളുടെ കുട്ടികൾക്ക് പകർന്നു നൽകുവാനും സാധിച്ചു.
വിവിധ കൂടാരയോഗങ്ങളുടെ നേതൃത്വത്തിൽ ഒരുക്കിയ ഓണസദ്യയും, കലാവിരുന്നും പരിപാടികൾക്ക് കൊഴുപ്പേകി. കലാപരിപാടികൾക്ക് ശേഷം നടന്ന മുണ്ടുതറയിൽ ജോസഫ് & ജിജി മെമ്മോറിയൽ വടംവലി മത്സരത്തിൽ നസ്ര്ത് കൂടാരയോഗം ജേതാക്കളയി. രണ്ടാം സമ്മാനമായ ബേബി മുരിയാന്മ്യാലിൽ മെമ്മോറിയൽ ട്രോഫിയും ക്യാഷ് പ്രൈസും കാൽവരി, സെഹിയോൻ കൂടാരയോഗങ്ങൾ കരസ്ഥമാക്കി.